Nagsimula sa isang simpleng tanong habang hinihintay naming mag green ang signal light,

“Ma, matraffic ba sa pilipinas?”
“Matraffic as in sobra. Napaka-init pa kapag summer.”
“Eh di sa Baguio na lang ako mag-aaral ng college.”

Parang kailan lang ay nagpost ako dito ng graduation ni tin-tin sa elementary. Then ngayon ay 4th year highschool na sya sa darating na pasukan. Soon to go in college….gusto raw nya ng course na international studies or maybe masscom. Ateneo, UP or La salle ang mga school choices nya. Napag-usapan na naming mag-asawa na hindi kami ang masusunod sa kursong gustong kunin ng mga anak namin. So nagplano kami ng bakasyon sana this year para makapag review sya for the college entrance examination.

Kaya lang, naiisip pa lang ni KD na malalayo sa amin si tin-tin ay puro negative thoughts na lahat ang naiisip nya, saan daw sya titira sa Manila? Paano raw pag nagkasakit eh pareho kaming nasa malayo? Paano sya sasabay sa buhay sa isang lugar na hindi naman nya kinalakihan? At marami pang paano?

Nalaman namin sa isang kakilala na may AMA College dito sa Bahrain (neighbor country) at doon pumapasok ang anak nya. Dinadalaw na lang nila weekly or yung bata ang umuuwi dito sa saudi pag weekends. One hour drive lang kasi kami from here to Bahrain. So nagpalit kami ng skedyul ng bakasyon, di na muna kami uuwi this year tutal kung sa Bahrain sya papasok di na nya kailangan pang mag review for college entrance exams. Which is a big mistake on our part dahil nag decide kaming mag-asawa without telling her. Hindi nga namin sya pipigilan sa anumang course na gusto nya pero kami rin pala ang pipili sa school na papasukan nya, parang ganun na rin yun di ba?

So, nung sabihin namin sa kanya yung plan, ang laki ng “ayaw” nya. Gusto raw nya sa pinas, gusto nya maranasan ang buhay college dun tulad ng mga nababasa, napapanood at nakukwento sa kanya. Para tuloy kaming nagkaproblema bigla. Kaya nga ba nyang magsolo?

Si kd medyo hindi pa kayang tanggapin na sooner or later talagang hihiwalay na sa amin si tin-tin, hindi dahil sa ayaw nya kaming makasama or hindi sya masaya na buo kami as family. I am trying to explain to him na kami rin naman noon nagplano para sa sarili, umalis at lumayo rin sa magulang noong mag-aral ng college, para planuhin yung buhay in the future.

Si Justin naiisip pa lang na sa pinas papasok si ate nya next year ay naiiyak na, mamimiss daw nya. Sabi ko huwag muna iyakan or problemahin yung bagay na matagal pa naman. Sabi ni kd kahit gaano yan katagal darating pa rin yan…..

Alam naman natin kung gaano kahigpit dito ang mga ganitong okasyon pero syempre hindi pahuhuli ang pinoy. Last Sunday ay nagkaroon kami ng napakasayang celebration ng easter sunday, una sa programa ang egg hunting. Medyo maliit lang yung room kaya kung saan-saang sulok lang naitago ang mga itlog na makukulay.

May nahiram din na bunny costume ang isang kasamahan (tita cell) na lalong nagpasaya sa mga bata.

Medyo mukhang takot at alanganin pa si Marga sa paglapit kay easter bunny para kunin ang kanyang loot bag….ang hindi nya alam ay tatay nya pala yun….hehehe.

Nagtataka siguro yung ibang mga bata bakit dumami ang mga itlog ni Justin eh 2 lang naman yung nahanap nya. Pinagsama kasi nila ng mga anak ni keith at pinky lahat ng nakuha nila kaya sila ang nanalo….hehehe.

Thanks Keith sa pagpapasaya sa mga bata kahit na pinagpawisan ka nang husto sa costume .

Ito namang si tin-tin, nakatuwaan na turuan ng tongue twister na tagalog ang mga anak ni Pinky. Eh di nagkapili-pilipit ang mga dila sa pagbigkas dahil mga spokening dollar kaya sila…hehehe.

Summer na naman kaya masarap na mag beach. Naaya kami ng mga kaibigan last friday sa isang private beach resort dito sa ksa. Matagal na rin kami rito pero hindi ko alam na mayroon din palang mga ganitong lugar dito na feeling mo wala ka sa saudi. Sarap din minsan ng nasa public place ka pero di mo suot yung abaya na malaking istorbo talaga sa pagkilos.

Medyo wrong timing nga lang yung outing namin dahil biglang umulan….hehehe. Napakadalang ng ulan dito sa saudi at natyempo pa sa swimming namin kaya medyo malamig. Super nag enjoy ang mga bata lalo si Josh dahil last swimming nila ay noong last summer vacation pa sa pilipinas.

Maganda yung place dahil may 3 swimming pool para sa mga ayaw sa dagat. May heater din ang mga pool kaya kahit malamig enjoy mga kids. May place din sa tabing-dagat na pwedeng pagtayuan ng picnic tent. Entrance fee is sr50/person (Php600)…hhmm…medyo mahal kumpara sa pinas pero worth naman sa saya at kahit sa sandaling pakiramdam na wala ka sa saudi.