Hindi po kami nagbakasyon sa kung saan, nagkataon lang na exams ng mga bata kaya ngayon lang naka update. Malay ko ba naman na kailangan ko pala ulit balikan ang elementary subjects ko ngayon kapag examination week na. Buti na lang at ginawa ng english ang civic subject dito ngayon at napakahirap naman talagang magturo sa bata ng tagalog na sibika.
Last day ng exams noong Wednesday at nagpaalam si Tin-tin kung pwede raw syang sumama sa mga kaklase nya na mamasyal sa mall. Isang buong klase raw sila na magkikita-kita sa amusement park ng mall. Ihatid na lang daw namin sya ng 8pm doon at tatawag na lang sya pag uwian na nila. (8pm nga pala ang bukasan ng lahat ng malls dito ngayon dahil Ramadan, at bukas sila hanggang 3am.) Ipag-paalam ko raw sya kay Dada, sabi ko sige ako na magsasabi.
Pinayagan naman ni Dada pero hindi sya iiwan sa mall. Pagkahatid sa amusement park doon lang din kami nag-iikot sa mall. Every 30 minutes yata ay pinapatawagan sa akin at pinapa tsek kung nasaan na. Hindi rin naman kami nainip for almost 4 hours doon dahil marami ring mga parents ang naghihintay sa mga anak nila. Sabi nga ni Tin-tin kung halimbawa raw kaya na sa pinas sya lumaki ay kailangan pa raw ba syang bantayan kapag lalabas sya with friends? Well, siguro depende na rin yun sa culture ng bansa kung saan sya lumaki. Sabihin man siguro na over protective kami as parents sa ngayon, it’s better to be safe than sorry.
Paano na kaya pagdating ng araw na magpapaalam naman si Tin-tin para makipag date sa magiging boyfriend? Sabi ni kd pag daw date na hindi naman sya magbabantay, basta dapat lang daw 16 steps lang sila pwedeng lumayo kung saan sila iniwan…hehehe.
Kung si Tin-tin daw ay napanood sa TFC dati, ayaw naman magpahuli ng dalawang ito. Pwede naman daw sila sa acting. Sino ang mas effective ang acting kung tunay na ahas ang kaharap nila…
Si Justin………
o si Josh……….
