Medyo busy na naman this month sa dami ng catering, kaya laman na naman kami ng mga supermarket. Dito sa saudi ako nakakakita ng mga fruits and vegetables na medyo kakaiba, hindi lang sa hitsura kundi mas lalo na sa presyo. Yun bang presyo na hindi mo papangarapin na tikman pa…hehehe.
Tulad ng mga talong (eggplant) na ito. (May fruits yung title ko kasi napanood ko sa tv na yung talong pala ay prutas daw at hindi gulay. Alam nyo ba yun?)
Noong makita ko sila natatawa ako habang pinagmamasdan sila dahil nga kakaiba yung pagkatalong nila. Kukunan ko lang sana sila ng picture dahil hindi ko naman sila bibilhin. Napansin ko yung mag-asawang arabo na nagbubulungan at nakangiting nakatingin sa akin kaya napilitan akong balutin na sila at bilhin para di halatang inuusyoso ko lang sila. Buti na lang the next day ay may nag order ng kare-kare, kaya yung mga abnormal na talong nasama sa kare-kare.
Pero itong mga repolyo (cabbage) na ito kahit pagtawanan pa ako ng mga katabi ko hindi ko sila bibilhin…hehehe. Actually dumampot na ako ng isa at inilagay ko sa trolley, napansin ko yung price bakit nagkamali yata yung naglagay. Bumalik ako sa vegetable counter, tama nga yung price. Imagine isang piraso ay Php488. Ilang kilong beef na ba ang mabibili nun?
Eto pa ang isa, kapatid din daw ito ng repolyo. Medyo matingkad lang ang kulay kaya siguro mas mahal…hehehe. Php577/each. Sabi nung nasa counter US cabbage daw kasi yung mga yun kaya mahal. Sabi ni kd siguro daw sa first class sila sumakay papunta ng saudi…hehehe.
Minsan naman kung kailan kami nagmamadali dahil late na dun pa mangyayari ang ganito.
Nagtuturuan pa yung mga nasa counter kung sino ang maglilinis eh sila naman ang nakabasag. Sabi ni kd sya na lang para lang makaalis na kami, wag na daw dahil nagpatawag na sila ng maintenance. Ano kaya iniisip ni Josh habang pinagmamasdan yung mga basag ba itlog?
Last week, may tumawag sa akin at nag ooffer na ako na lang daw mag cater sa office nila , 70 persons daily for lunch, 6 days/week. Sabi ko return call na lang ako at pag-iisipan ko. Gusto ko na sanang tanggapin kaya lang naisip ko yung sbd ko. Kung tutuusin mas ok sya dahil may off ako ng friday, at hindi masyadong matrabaho tulad ng sbd. Kaya lang naisip namin ni kd yung mga costumers ko naman sa sbd, actually kasi kaya tuloy pa rin ang sbd ko yung iba hindi dahil nagpapapayat pa sila kundi parang maintenance na lang dahil highblood, high cholesterol at diabetic naman yung iba.
So, tinawagan ko yung sa lunch catering at hindi ko tinanggap yung offer. Pag naaalala ko kasi kung paano magpasalamat yung mga sbd ko parang nakaka guilty na iwan sila. Dun sa lunch catering pwedeng gawin ng iba pero sa sbd sa ngayon ay ako pa lang ang gumagawa dito. Sabi nga ni kd hindi lang naman sa pera lahat, mas may darating pang magandang opportunity. Mas malaki nga ang kita pero andun naman yung guilt , parang wala rin. Sa ngayon satisfied na ako sa mga blessings na dumarating sa amin at may asawang very supportive sa lahat ng bagay.
