Nag-uusap kami ni kd noong isang gabi dahil eleksyon na naman sa pinas. Pinapakita kasi sa tfc yung lipatan ng partido ng mga pulitiko. Uso na naman daw yung prutas na “balimbing.” Ano raw ba yung balimbing sabi ni tin2. Prutas kako yun na kahit anong side ang makita mo ay pareho din ang hitsura. Kumbaga sa tao ay baligtaran. Pwedeng kakampi sa yo at pwede ring kakampi sa kaaway mo. Kaya sya madalas ikumpara sa mga pulitiko kapag panahon ng eleksyon.

Nasa supermarket kami last wednesday at nagulat ako dahil first time ko makakita ng prutas na balimbing dito. Tinawag ko si tin2 at pinakita sa kanya yung prutas. Bibilhin ko sana para matikman nya na balimbing na nga ay maasim pa…hehehe. Pero nagulat ako sa presyo at ang bilis ko syang ibinalik sa lalagyan. Try nyo i zoom para makita ang price. Imagine sr79/kl (P1100). Ano kaya kaibahan ng lasa nito sa ibang balimbing?

Naintriga na rin ako na i tsek yung ibang mga katabing gulay o prutas. Gulay ba ang balimbing? Andun kasi sya sa stall ng mga vegetables. Mas lalo akong nagulat sa presyo ng isang ito na hindi ko alam ang pangalan. Yung Katabi ng balimbing na mukhang pokemon monster na kulay red. Kilala nyo ba yan? Ang presyo ay SR82/kl (P1150). Nakita ko hawak ng isang arabo, hindi ko alam kung binili or na curious lang din sa presyo.

Kaya naisipan ko na kuhanan na rin lahat ng picture yung mga iba pang gulay na andun. Tulad nitong mga ito. Akala ko sa malayo ay mga lansones kaya nilapitan ko. Mga patatas pala na ewan bakit hindi lumaki…hehehe. Pag binalatan mo tong mga ito ano pa kaya ang matitira?

Regular price SR3/kl (P42)
Bonsai potato SR24/kl (P330)

Yung mga kulay orange naman na nakaplastic ay mga carrots na hindi rin yata lumaki. Nakakain na rin si Josh ng ganoong carrots sa isang restaurant ng compound na kinainan namin dati. Nagustuhan nya ang lasa at nakailang kuha rin sya. Tinikman ko rin pero wala rin namang kaibahan sa malaking carrots, medyo malambot nga lang talaga at siguro natutuwa sya na kinakain yun ng buo.

Regular price SR5/kl (P70)
Bonsai carrots SR28 (P390)

Ito naman hindi bonsai. Kung tutuusin kapareho lang sila ng mga normal na kamatis na nakikita ko rito. Hindi ko rin alam kung ano ang kaibahan ng lasa at kakaiba rin ang presyo. May nakita rin akong mga bonsai na kamatis , di ko nakunan ng picture kasi binawalan ko si Josh at binuksan yung isang balot at kumuha ng isa, paglalaruan daw nya eh SR24/kl din ang price.

Regular price SR5 (P70)
Tomatoes(pix) SR24.95 (P350)

Mapapansin mo ang kaibahan ng isang prutas o gulay dito sa lalagyan. Kapag mahal ay nakabalot na kaagad ang mga ito. Kapag nasa normal price lang ay nasa ganitong lalagyan lang.

Pansin nyo ba yung mga camote? Sr8/kl (P112). Medyo mahal sya kumpara sa pinas no?

May ripe mangoes din dito pero iba talaga ang lasa ng mangga natin sa pinas. Maganda lang silang tingnan na akala mo masarap pero yung laman sa loob ay magaspang at parang maraming ugat-ugat , basta hindi tulad ng mangga sa atin.

Ito namang mga pinya galing Davao. SR6/kl (P84). Pag bumili ka babalatan na nila, ipapasok nila dun sa isang parang machine at paglabas ay pwede mo na syang ilagay sa lata….hehehe. halos naubos na yung pineapple sa dami ng nawala. Hindi ko lang makunan ng picture dahil hindi pinoy yung salesman.Kaya si tin2 na lang ang model ng mga pinya.

***Thanks to Nang Ethel for my new layout. Thank you! Thank you!****

Usung-uso ang sakit ngayon dito sa place namin, sabi ng mga doktor ay viral daw talaga. Nagpapalit kasi ng panahon dito, papatapos na ang winter. Nilagnat ako for 2 days, mabuti na lang at weekend, hindi na kailangan pang mag leave ni kd sa office.

Magpapaluto na lang sana si kd kahapon ng isda sa tindahan sa ibaba namin. Pagbaba nya ay ayaw na raw mag accept ng luto at hanggang 10:30am lang daw sila dahil prayer time na at 12:30 na daw ulit ang bukasan. Pag friday kasi ay mahaba ang kanilang dasal. So, walang choice si kd na lang ang nagluto, prito lang naman.

Naka-ilang silip na raw si Josh sa kitchen at laging tanong kung hindi pa luto kasi gutom na sya. Then pumasok sya sa room at sabi sa akin, ” Ma, can’t you cook? Maybe dada doesn’t know how to cook .” Habang kumakain kami sabi ni josh pwede na rin daw kahit konting yummy lang yung niluto ni dada nya.

Last night habang nakahiga ako sa sofa, sabi ni Josh sasayaw daw muna sya para gumaling na ako. Habang nagpapagaling pa ako ay panoorin nyo muna si Josh magsayaw.Nakatalikod sya dahil hindi nya alam na kinukunan ko sya.

Happy weekend!

Napakabusy ng weekend namin. Sabi nga ni TK ay nakabakasyon daw yata kaming lahat. Nagkasabay kasi na may catering ako at the same time ay exams din ng mga bata sa school. May order sa akin na 200 pieces na lumpiang sariwa. Tinanggap ko yung order tutal weekend naman ,andyan si kd at may makakatulong ako. So nakapag grocery pa kami after mag dinner last Feb 14. Kinabukasan nag prepare na ako para mag cut ng mga vegetables. Biglang sumama naman ang pakiramdam ni kd. Akala ko simpleng sama lang ng katawan. Hala, hindi na makatayo, mataas na ang lagnat. Para akong biglang nagkaproblema, iniisip ko paano ko tatapusin lahat ang lulutuin eh kailangan yun ng 11am the next day.

Nag start ako magluto ng balat ng lumpia ng 5am. Imagine yung 75pcs ay 1 hour syang lulutuin, eh 215 ang nagawa ko, 3 hours na yun pa lang balat ang nagagawa. As expected 11am na hindi pa ako tapos magbalot, buti na lang pinatawag ko si kd sa hotel (reception) at tumawag daw yung parents nung bata (binyag) na medyo late na matatapos yung misa. Actually ninang ako dun sa binyagan kaya lang di na ako nakapunta sa simbahan.

Noong bilangin ko yung lumpia na nabalot ay nagulat ako dahil 195 pcs lang. Habang nagbabalot kasi ako ay kumakain na yung 3 bata dahil may pasobra namang 15pcs. Ganun karami ang nakain nila at sabi si Josh daw ang pinakamaraming nakain, hinayaan ko kasi silang kumain tutal gulay naman, di ko lang inasahan na ganun karami mauubos nila.

Last week naman ay may order for 100 persons na pagkain at kasama ang dessert. Gusto raw nila ng buko pandan. Kinunan ko ng picture para makita ni mmy lei at ate nina kung ano hitsura ng buko meat na ginagamit ko rito. Wala raw silang mahanap dun sa place nila.

Ito yung gamit ko na gulaman. I’m not promoting the product pero sa dami ng nasubukan kong gulaman sa kanya lang ako hiyang (parang commercial yata sa napkin yun..hahaha). Matigas kasi at makunat yung gulaman kaya hindi sya nadudurog pag hinalo na.

Kaong, Nata de Coco, condensed milk and cream

Ito yung nakalata na buko meat. Wala kasing nabibiling fresh dito.

Pero meron namang fresh na pandan leaves .

Haluin munang mabuti yung lahat ng ingredients bago ilagay yung gulaman para hindi madurog sa paghalo.

Mas masarap pa rin syempre kung fresh buko ang gagamitin kumpara sa gamit namin dito.

Narito nga pala yung ingredients para sa preparations ng buko pandan.

2 packs green gulaman
2 bottles kaong
1 bottle nata de coco
2 can buko meat
2 cups cream
1 can condensed milk
Pandan leaves

Just follow the instruction on how to prepare gulaman. Kung ano ang available sa place nyo. In my case I always use mr.gulaman jelly powder. Instead of using 6 cups water in each pack of jelly I use only 4.5 cups para mas firm ang gulaman. Kung walang fresh pandan leaves you can use pandan flavor.

Kahapon pagdating ng mga bata galing school ay binati nila ako ng Happy Valentines Day. Then sabi ni tin2 ,”Ma, nakalimutan yata ni Dada na valentine ngayon, wala man lang syang flowers for you.” mangiyak-ngiyak pa sya habang nagsasalita. Sabi ko , “okey lang yun tutal kakain naman tayo ng dinner sa labas.”

Pagpasok ni kd sa bahay deretso sya sa room habang naghahanda naman ako ng snacks ng mga bata. Maya-maya sabi nya sino raw ba ang ka chat ko, sabi ko wala , pinipilit nya na meron kaya napilitan akong pumasok sa room at tingnan ang YM.

Kaya pala ay heto ang nakita ko:

“Uyyy! Surprised si mama” sabi ni Justin. Saan daw ba itinago at hindi nakita ni Tin2, ipinasok pala sa loob ng bag ni Joshua. Pagpasok ni Josh sa room ay nagulat , “wow! mama, let’s open your chocolates, it’s yummy!” “We’ll eat later na lang Josh” sabi ko sa kanya. “No, mama. I have something for you too but let’s open the chocolates first.” Eh di sige buksan na.

Pagkabukas ng box ay ibinigay naman nya sa akin ito. Ginawa raw niya sa school para sa akin.

Baka kumakain kayo habang nagbabasa nito eh medyo excuse lang po at usapang banyo yung iba. Gusto ko lang i share yung ibang usapan namin sa bahay na napapasaya kami ni Josh.

*** I’m not feeling well that day at nakaupo ako sa sofa while watching tv. Lumapit si Josh , “Ma, why are you sad?, you don’t have chat today? Ok you go and blog now.” Natawa ako, ganun na pala tingin sa akin ng anak ko. Sabi ni kd siguro daw dahil nakikita nya ako pag may ka chat at nagbabasa ng blog na madalas ay natatawang mag-isa sa harap ng computer.

*** Galing naman kami sa supermarket last Wednesday. Habang pauwi na biglang lumapit si Josh (nasa backseat silang 3) kay KD, sabi nya, “Dada may I touch your muscles? Wow! Big muscles! Really hard! How come you have that muscles?” pinipisil nya yung braso ni dada nya habang nagdadrive, eh alam naman nyang naggygym si dada nya. Nginitian ako ni kd at sabi nya wait mo may kasunod yan. Maya-maya nga eto na, “ Dada, can you stop the car for a while, I will just get my mango juice at the compartment.” Eh di stop naman yung tatay para kunin yung juice, nabola eh…hahaha!

*** Everymorning pinipilit ko si Josh na umupo sa trono para hindi na sya sa school abutan ng call of nature. Pero dapat may binabasa syang story book or comics habang nakaupo. Ewan ko ba nakasanayan nya. Isang araw, sabi nya “Mama, I’m done! Oh! Wait , there’s some more. Ay! Sayang! Utot lang pala!” Naririnig pala ni tin2 kaya tawa nang tawa yung isa.

*** Minsan naman galing kami sa labas at nagmamadali syang dumeretso ng CR. Maya-maya narinig ko sabi nya “ Ahhhh…thank you Lord!” Sinilip ko dahil akala ko kung napano. Nagpigil pala ng ihi nya habang paakyat ng building at nung mailabas ay nagpasalamat lang.

*** Last night patulog na sila sa room nila nang marinig namin na nagtatalo silang tatlo. Sabi ni Josh “ I’m angry! You two are bad!” Tayo si kd para silipin kung ano ang pinag-aawayan. Sabi ni Josh, “ You know Dada, I just “utot” then they said, Yuck! Yuck! They are bad.” Natawa si kd “And what do you expect them to say, hhhmmm..Josh smells good!” hahaha! Lalong nagalit.

*** Kahapon naman nagsusumbong sya sa akin habang gumagawa kami ng homeworks nya, “Mama, you know somebody hit me with the ball, maybe my brain can’t think anymore.” Nakita pala,ni kd na tinamaan ng bola kasi dumaan daw sya gitna ng basketball court pagkakita sa Dada nya. So, hinaplos ko naman yung ulo at medyo nilambing pa. Mayamaya sabi nya, “Mama, I think I’m duling now.” “Ows, do you know what is duling? “ Yes, mama look (itinaas yung 2 daliri) I can see four fingers. “ Lumapit yung 2 kapatid at nakitanong -tanong na rin. Basta bawat taas nila ng daliri at tanong kay Josh ay doble ang sagot ni Josh sa tamang bilang. Hindi yan ngumingiti talagang seryoso . Kaya naman sinakyan ko, “Naku! Naduling na nga yata ang anak ko.” Tinawag ko si Dada at nagtanong rin sya, ganun pa rin ang sagot. Sabi ni kd may solusyon dyan. Hinubad ni kd yung suot na tsinelas at tinanong ulit kung ilan yung nakataas na daliri. Ang bilis sumagot ng “Two!” hahaha! Biglang naging tama at nawala yung pagka duling.

Pero hindi lahat nakakatawa sa kanya, meron din pong kahihiyan…hahaha! Nasa supermarket kami isang gabi, inutusan ko syang magpalagay ng price dun sa vegetable na binili ko. Pagbalik nya humahagikgik sa tawa, “Mama, I saw a boy there but she acts like a girl..hihihihi!” Sabi ko saan, itinuro pa yun daw wearing green jacket. nakita ko bading pala. Ano ba kako ginawa? Ginaya nya yung paglalakad at yung pagpilantik ng mga daliri. Natawa na rin ako. Hindi sa bading kundi sa ginagawa ni Josh. Napansin ko yung katabi naming lalaki na medyo masama ang tingin sa amin ni Josh. Pagdating namin sa counter yung naka green at yung lalaki sa tabi namin ay magkasama pala..hayy…